2008-11-23是次係友人為我預備的私房菜生日飯, 位於天后一商業大廈頂層. 甫開電梯門, 走進餐廳, 已有嘩
一聲的感覺. 維港美不勝收的景緻已盡入眼簾, 夜幕低垂, 靜靜看著這景色, 從沒想過天后會有這樣的一個夜景, 單單這環境, 已值滿分!
原 來這餐廳是以法, 日fusion 菜為主, 呢個組合對我而言, 挺新穎的. 先來個生蠔忌廉湯和牛尾湯試試吧! 生蠔湯, creamy, 蠔新鮮, 味道鮮甜, 濃烈. 牛尾湯, 第一口喝下, 嘩, 好濃郁呀! 彷彿在吃牛尾煲般. 味道不錯. 但喝多兩口, 有點"漏", 因為味道似乎濃了點. 似乎蠔湯略勝.
再來的係生蠔剌身拼盤. 生蠔有兩款, 兩者都很新鮮, 海水味重. 其中一款細細的, 據說是澳洲蠔, 不知是否coffin bay呢?! 但估不到那細細的一口蠔, 鮮甜程度跟洲際的不分上下, 不用加任何檸檬汁/醬汁, 亦已美味非常. 再來有龍蝦剌身, 龍蝦雖小, 但肉質鮮嫩, 爽甜, 我可以encore 嗎? 海胆, 足足有一個手指咁長. 這反而今我有少少戒心. 因之前吃過加拿大海胆, 也是這麼巨型的, 但味道很糟糕. 似乎唔新鮮. 但試過這個巨型海胆後, 卻把我從陰影中拖了出來. 這海胆鮮味非常, 沒有平日泥味, 鮮甜, 每隻海胆十分飽滿, 顏色均勻有致. 再來係帶子, 質感ok, 味道可以. 三文魚, 本來己不是我所好, 又不是魚腩, 故沒有期望. 但想不到這也挺肥美, 肉質細嫩, 收貨有餘啦! 還有油甘, 吞拿….味道不俗, 但我想還是生蠔, 龍蝦和海胆較佳!
主 菜要了神戶cute 版牛扒. 一上枱, 香味已撲鼻而來, 好香燒烤味呀! 見牛扒表面的網紋清晰可見, 心想呢個一定唔會讓我失望. Oh! 點解牛扒會咁脆的?! 真係唔係好識形容, 牛扒表面係脆皮的, 唔知係如何做到這效果?? 百思不得其解….(至今仍疑惑中) 脆皮包著剛剛熟的嫩和牛, 有肉汁, 牛味頗夠. 有一甜甜地的汁伴食(好似用藍莓做的), 點了後, 令牛扒味道提昇了, 生色不少! 另一值得一提的係side dish 也毫不馬虎, 用了芥茉八爪魚做沙律, 很惹味, good!
另一主菜係鵝肝大菇(忘記咗個菇名, 記得係平時大超市的澳洲菇菇).... 鵝肝都算不俗, 油脂不算過多, 剛好. 味道可以, 但大菇不怎出色, 似乎要加個醬汁來煮較合適.
甜品點了飛弗--心太軟. 見到有個靚靚心型係蛋糕上, 好開心呀! 唔係好想切添.... 最終, 都係想吃咗佢....
一落刀, 頃刻間, oh…朱古力醬傾注下來. 好澎湃呀! 我已急不及待, 馬上試試, yummy yummy! 香濃的朱古力蛋糕, 再加上朱古力流和凍凍的雪糕....perfect match!最後, 原來友人還準備了飛弗....(又飛弗!? ok ok, 我有好多飛弗架嘛!) 芒果拿破崙, oh, 好飽啦! 典算呀!
但係最後都俾我征服咗它... 不愧係飛弗...仍舊仍脆脆的, 芒果清甜...正!謝謝友人! 好滿足的生日飯!
推介美食: q 版和牛, 生蠔剌身拼盤
評分: 味道 5 環境 5 服務 4 衛生 4 抵食 4
評分: 味道 5 環境 5 服務 4 衛生 4 抵食 4
沒有留言:
張貼留言