2天前
A La Umai位於商廈頂層，內部裝修唔算華麗，最特別就係落地玻璃可以盡覽維港景色，但白天時間窗外嘅舊樓棚架略嫌礙眼，如果夜晚到來，夜幕低垂，邊飲紅酒邊睇珣爛璀璨嘅夜景，感覺應該別有一番風味。當然，不懂浪漫嘅我，仍然覺得味蕾享受係最重要的！
麵飽籃實而不華
什菜沙律清新爽脆
粟米忌廉湯不花巧，味道好呢度嘅SET LUNCH由六十幾至百幾蚊左右，同樣係頭盤或餐湯，一份主菜同埋咖啡或茶，價錢相當合理。餐前麵飽籃雖然較行貨，不過麵飽熱辣辣又香脆，搽少少牛油已令 人食得開心，簡單好味！什菜沙律亦係簡單嘅清新爽脆，配上濃香嘅麻醬，仲有鮮甜多汁嘅車厘茄，感覺實在良好。而是日餐湯係粟米忌廉湯，粟米味夠濃郁，口感滑溜，無花巧，最樸實嘅一種，好味。
和風醬汁食落幾醒胃雖然我係牛魔王，但較早前食得太多牛扒，突然對一般嘅肉眼扒失去興趣。見到呢度有和風黑豚漢堡扒做主菜，令一向甚少食漢堡扒嘅我都感興趣。然而漢堡扒外層嘅和風醬汁少少甜，食落幾醒胃，肉餅做得亦做到鬆軟多汁，味道非常討好。
蠔味十足！菠菜鮮蠔意粉係今次最有驚喜之作，蠔肉不單肉質鮮嫩，而且菠菜意粉食落仲相當Al Dente，個汁仲好Creamy添，味道相當精彩！
和式甜點做句號...滿足主菜份量剛好，食得夠飽，不再另加甜品了，經理送上兩款和式甜點，味道不錯。如果下次晚飯到來，必定要試試呢度嘅生蠔及海鮮拼盤，如能配上一支Chablis就更完美了。
| 堂食等位時間: 0 分鐘 |
| 是次消費: 每人約HKD100 (午餐) |
評分: 味道 4 環境 4 服務 3 衛生 3 抵食 3
沒有留言:
張貼留言